Utilizamos cookies propias e de terceiros para mellorar os nosos servizos e obter información estadística.

Se continúa a navegar, consideramos que acepta o seu uso.

Para obter máis información e saber como cambiar a configuración prema aquí.

Santiago de Compostela. Galiza
+34 669 419 048 · info@laiovento.gal
language
GL | EN

OS SANTOS DAS NACIÓNS

O culto das reliquias é considerado na actualidade por moitas persoas como una supervivencia do pasado, que só se pode manter vivo grazas á práctica da liturxia. Mais, sobre todo, grazas á existencia das peregrinacións, fenómenos relixiosos, culturais e políticos á vez. Soamente o catolicismo, entre as relixións vivas do cristianismo occidental, mantén ese culto, pero insistindo en que nel non se trata de adorar uns obxectos ou restos humanos, senón a memoria dun santo ou santa consagrados seguindo os procedementos regulados polo dereito canónico dende a Idade Media.

O recoñecemento da autenticidade das reliquias tiña que ser feito cos protocolos canónicos determinados, que permitisen comprobar a existencia histórica da persoa que ía ser obxecto de culto, así como os feitos senlleiros da súa vida, milagres e normalmente tamén da súa morte, case sempre no martirio. Estas investigacións eruditas, baseadas nos textos e nos monumentos, tentaban frear moreas de intereses locais, rexionais, e ás veces tamén nacionais, que levaban a falsificar moitas reliquias, porque todas elas eran fontes de prestixio relixioso e político e daban moitos beneficios económicos.

Este libro achega un estudo completo a nivel europeo da orixe das reliquias, moi unida ás persecucións contra os cristiáns no Imperio Romano, das que se fai un detido estudo histórico-relixioso e xurídico. Partindo deses comezos, estúdanse os procedementos canónicos de recoñecemento do valor das reliquias, a súa conservación, e incluso o intercambio delas, normalmente ofrecidas como agasallos.

Non pode haber reliquia sen santo, e santo sen vida ou sen historia que contar, e por iso poderemos ver como nestes casos a historia mestúrase case sempre coas lendas, como acontece nos grandes reinos da Europa medieval. Neste libro ofrécese un estudo das lendas relacionadas coas reliquias do apóstolo Xacobe, para o caso de España, pero tamén dos outros grandes patróns dos reinos europeos.

Título: OS SANTOS DAS NACIÓNS
Reliquias e lendas de conversión en Europa

Autor: José Carlos Bermejo Barrera

Catálogo Xeral, 394

Compostela, 2021

Ensaio

EDICIÓN IMPRESA

peto 14x21cm

286 páxinas

ISBN: 978-84-8487-511-6

dispoñíbel en IBD

prezo 22,95 €

EDICIÓN EBOOK

ISBN: 978-84-8487-512-3

prezo 11,00 €

COMEZAR A LER
MERCAR
INTRODUCIÓN Á ECONOMÍA EN BANDA DESEÑADA. VOLUME 1: MICROECONOMÍA
DE BENPOSTA A LAMABOA
FAUSTO (2ª Ed.)
OS IRMÁNS DE AMÉRICA
A FIGURACIÓN GALEGA DE IRLANDA (1840-1936)
O PORTUGUÉS ESQUECIDO
DESCENTRALIZACIÓN FISCAL E DESENVOLVEMENTO
A VIAXE XEOMÉTRICA DE DOMINGO FONTÁN
AS MULHERES DA CASA DA BOUÇA DA ROUPA ESTENDIDA
DFW NAS PROFUNDIDADES DA TRISTEZA INFINITA. AS CANCIÓNS QUE LLES CANTABAS AOS CATIVOS.
PERMANENCIA
MOCIÑAS (2ª ED)
A VERDE PEL DE GAIA
RECTIFICAR A HISTORIA
O SPLEEN DE PARÍS
© Edicións Laiovento, 2016-2021 · todos os dereitos reservados · privacidade · política de cookies · condicións de uso e venda