Utilizamos cookies propias e de terceiros para mellorar os nosos servizos e obter información estadística.

Se continúa a navegar, consideramos que acepta o seu uso.

Para obter máis información e saber como cambiar a configuración prema aquí.

Santiago de Compostela. Galiza
+34 669 419 048 · info@laiovento.gal
language
GL | EN

CONFLITO LINGÜÍSTICO E IDEOLOXÍA NA GALIZA

Os leitores e leitoras teñen na man un libro fundamental na historia moderna do galego e unha peza clave na sociolingüística do noso país. A publicación en 1976 de Conflito lingüístico e ideoloxia na Galiza supuxo un fito na análise, interpretación e diagnóstico dos problemas do galego en conexión cos problemas de estirpe económica, social e política que a nosa nación padece. Ao tempo, facía a deseción das principais ideoloxías que se proxectaban sobre o idioma e das expectativas que delas se desprendían. Laiovento publicou a terceira edición deste libro en 1991, e a cuarta, corrixida e enriquecida con novos textos, en 1998. Agora aparece esta quinta edición, primeira dixital, notoriamente aumentada con análises sobre a política lingüística oficial, a mobilización popular contra ela, a conciencia social sobre o idioma e o seu estado como síntoma, no que vai de século XXI. Desta forma, a través deste libro o lector pode decatarse de como evolucionou a situación lingüística na Galiza desde a década dos setenta do século XX até hoxe, practicamente 50 anos, tirando as conclusións oportunas sobre as mudanzas cuantitativas e cualitativas que se produciron. Este libro, nesta quinta edición, primeira dixital, amplía a súa utilidade, a súa validade, a unha cuestión clave na vida dunha lingua oprimida como o galego: proporciona o modelo teórico e as pautas de comportamento lingüístico precisos non só para comprendermos o conflito lingüístico que vive este país, senón para remontalo a executar unha prática normalizadora merecente de tal nome, isto é, que poña como obxectivo central da preocupación polo galego a súa restauración social, através da plenitude de usos e funcións.

No panorama bibliográfico galego -tan necesitado de páxinas esclarecedoras a respeito do idioma-, este libro de FRANCISCO RODRÍGUEZ (cuxas publicacións sobre Rosalía de Castro, Curros, Castelao... e outros moitos aspectos da lingua e da literatura galega reorientaron de maneira decisiva o coñecimento e a interpretación destas producións), segue resultando único polo seu rigor, o seu axeitado aproveitamento do máis científico e actualizado da sociolingüística mundial e a súa constante preocupación por facer análise científica, ao servizo dunha causa que non admite demoras nen trampas: a recuperación do idioma galego.

Título: CONFLITO LINGÜÍSTICO E IDEOLOXÍA NA GALIZA
A situación do galego como síntoma

Autor: Francisco Rodríguez Sánchez

Catálogo Xeral, 323

Santiago, 2015

Ensaio

EDICIÓN IMPRESA

peto 14x21cm

296 páxinas

ISBN: 978-84-8487-299-3

prezo 19,90 €

MERCAR
MEMORIAS DUN EXGALEGO
INTRODUCIÓN Á ECONOMÍA EN BANDA DESEÑADA. VOLUME 1: MICROECONOMÍA
DE BENPOSTA A LAMABOA
FAUSTO (2ª Ed.)
OS IRMÁNS DE AMÉRICA
A FIGURACIÓN GALEGA DE IRLANDA (1840-1936)
O PORTUGUÉS ESQUECIDO
DESCENTRALIZACIÓN FISCAL E DESENVOLVEMENTO
A VIAXE XEOMÉTRICA DE DOMINGO FONTÁN
AS MULHERES DA CASA DA BOUÇA DA ROUPA ESTENDIDA
DFW NAS PROFUNDIDADES DA TRISTEZA INFINITA. AS CANCIÓNS QUE LLES CANTABAS AOS CATIVOS.
PERMANENCIA
MOCIÑAS (2ª ED)
A VERDE PEL DE GAIA
RECTIFICAR A HISTORIA
© Edicións Laiovento, 2016-2021 · todos os dereitos reservados · privacidade · política de cookies · condicións de uso e venda