+34 602 428 382 · info@laiovento.gal
Editorial de libros en galego e portugués
Edicións Laiovento é unha editorial de libros en galego e portugués. Esta editorial comprácese de promover e difundir a literatura nestas dúas linguas, honrando a súa riqueza cultural e fomentando o seu desenvolvemento. O galego e o portugués son linguas irmás, compartindo raíces históricas e vínculos culturais profundos. Publicando libros en galego e portugués buscamos dar voz aos escritores e poetas que se expresan nestes idiomas, contribuíndo á diversidade literaria.
Aviso aos/ás autores/as: Edicións Laiovento non garante a lectura nin a resposta de orixinais non solicitados.
CANDO CHEGOU A NOITE
A finitude do ser e a morte digna
Antón Seoane
Confrontados co irremediábel dunha morte anunciada, e alén da resignación pasiva, hoxe existen numerosos exemplos de que hai outras maneiras de transitar o último alento desde a lucidez e a dignidade, sen dar entrada á dor degradante nin á lenta agonía.
A protagonista do relato quixo, por riba de todo, ser coherente coa percepción de finitude que habitaba corpo e mente. Asomada a ese precipicio insondábel, o seu proceder serve, un máis, para todas as persoas que solicitan, serenas e conscientes, ser acompañadas na travesía da derradeira ponte. Dignidade, consciencia e valor en quen o demanda; conciencia humana e responsabilidade médica en quen axuda.
ESPAÇOS AFETIVOS DA GALIZA NA LISBOA ATUAL
Antom Garcia Rodrigues
A chegada de galegos e galegas a Lisboa remonta a cerca de cinco séculos, embora tenha sido a partir do século XVIII que se registaram os maiores fluxos. Na adaptação ao novo meio, assumiram ofícios duros e agruparam‑se em corporações como aguadeiros, taberneiros ou carvoeiros, ganhando progressivamente reconhecimento e integrando‑se de forma profunda na vida lisboeta. Os vestígios dessa presença permanecem hoje espalhados pela cidade, para além das atuais aparições discretas.
QUERIDA MORTE RACHADA
Lafite Tekin
Querida morte rachada abriu en 1983 unha fenda luminosa na literatura turca. Con ela, Latife Tekin converteu o realismo máxico nunha lingua propia para narrar a ferida da emigración e a beleza teimuda da supervivencia. A familia Aktaş, arrancada da súa aldea e empurrada aos arrabaldes de Estambul, avanza entre sombras e revelacións, mentres Dirmit —a filla máis nova— transforma o mundo que a rodea nun tecido onde o real e o imposible se entrelazan sen costura.
